ახალ ტფილისს
1
ახალ ტფილისს რას დააკლებს
წვიმიანი ამინდი.
2
ახალ ტფილისს რას დააკლებს
გაზაფხულის მუქარა.
3
ახალ ტფილისს რას დააკლებს
ნიაღვართ ტრიუმფები.
4
ახალ ტფილისს რას დააკლებს
სეტყვა, ჭექა-ქუხილი.
5
ახალ თბილისს რას დააკლებს
ღრევა-ღრუბლიანობა.
6
ახალ თბილისს რას დააკლებს
ელდა, სასო-წარკვეთა.
7
ახალ ტფილისს რას დააკლებს
ღვართქაფი-ნიაღვარი.
8
ახალ ტფილისს რას დააკლებს
ქვათა ნგრევა-ვალალი.
9
ახალ ტფილისს რას დააკლებს
რისხვა გარემოების.
10
ახალ ტფილისს ამით ბევრი
არა-დააკლდება-რა.
11
ახალ ტფილისს ვერარაგვარ-
გრიალი ვერ წააქცევს.
12
ახალ ტფილისს ვერ-რა ბედი
ვერ წაართმევს შვენებას.
13
ახალ ტფილისს სხვა ქვა-ლოდის
საძირკველი უგია.
14
ახალ ტფილისს არ აკლია
ხეები და სიმწვანე.
15
ახალ ტფილისს - რას დააკლებს -
ქართა ორომ-ტრიალი.