* * * აბა, მოსე, ჩემო მოსე...
აბა, მოსე, ჩემო მოსე,
შეივსე და შეიმოსე -
ფილოსოფოსს შენისთანას
ჭამა უნდა თავის დროზე.
თუ არ სვა და თუ არ ჭამა,
უცხონდება მეტი მამა,
რაც იმან ვერ შეისწავლოს
გეგელი და დასტურ-ლამა.
თუ ფულები არ აკეთოს,
მნათობი არ მიაკეტოს,
დააქადნოს აინშტაინს,
რაც რომ იმან გააკეთოს.
ისტორიკოს იტყვის პოსსე,
ასე სჯობსო თავის დროზე:
გალაკტიონ ლექსებს სწერდეს
და გონორარს სჭამდეს მოსე.