დღიური-629-22 - 1940 წელი
ძვირფასო ამხანაგებო – და ახალგაზრდა ჩემო მკითხველებო!!!
სულითა და გულით მოხარული ვარ - რომ აქ ხდება [აქ, საგურამოში] ჩვენი მრავალის მხრით საგულისხმიერო შეხვედრა. ჩვენ შევიკრიბენით დღეს, რათა გავერთიანდეთ ჩვენი საყვარელი სამშობლოის და მისი აყვავების სასიხარულო გრძნობებში... ვიშრომოთ ერთად, ვისაც რითი შეუძლია ჩვენი საერთო და საყოველთაო ბედნიერებისათვის... ჩვენი მწერლების [ვცხოვრობთ] თქვენთან ერთიანი ცხოვრებით - და ჩვენს სიმღერებში - არის ცხოვრება თქვენის გულის. ჩვენ ვცხოვრობთ თავისუფალ ქვეყანაში, რომელსაც იცავს დიადი სტალინური ზრუნვა.
[სამშობლოსადმია შეწირული ჩვენი ყველაფერი, რაც კი] [ჩვენ ვცხოვრობთ ქვეყანაში, სადაც ყველაფერი, რაც გამბედავი და ადამიანურია] ვინაიდან ჩვენი სამშობლო საიმედო სამშობლოა ყველა დაჩაგრულთა, დევნილთა და გადახვეწილთათვის: გვინდა, რომ ჩვენი სიმღერები იქცნენ ყველა ქვეყნებისათვის ჩვენი სამშობლოის სულისა და სინათლის მზედ. ის ამბობს სიტყვას, რომელსაც მას ხალხი სთხოვს, გამოხატოს ის გრძნობები წიგნებით უფრო უკეთესით, რაც კი როსმე დაწერილა ადამიანის კალმის მიერ. თანამედროვე პოეტი - თანამედროვე ადამიანია. ო, სიხარულო, უზარმაზარი ცხოვრების[ა] სიხარულო! წიგნი - ეს არის ადამიანი - დაწერილი მისივე საკუთარი ხელით. იგი გამომგონებელია.
ჩვენ ვსარგებლობთ [მშვიდობიანობითა] სიმშვიდითა და მყუდროებით იმ დროს, როდესაც მთავრობანი ბურჟუაზიული ქვეყნების - თავიანთივე ხალხის სისხლს ღვრიან. დაე, ასე ვიშრომოთ თანხმობით, რომ კარგად და ბედნიერად ვიცხოვროთ ჩვენს მშვენიერ ქვეყანაში. ვიშრომოთ და ვისწავლოთ თანხმობით, ერთგულად, რათა დავიცვათ თავისითავი მტრისაგან, თუ ის [თავს დაგვესხმის] მოინდომებს ჩვენი თავისუფალი და სამართლიანი ცხოვრების, უფლებების ფეხქვეშ გათელვას... გაუმარჯოს ჩვენს ბელადს და ბელადს მთელი დაჩაგრული კაცობრიობის - ამხანაგ სტალინს. გაუმარჯოს ჩვენს მზიურ [საქართველოს] სამშობლოს, რომლისადმიც მიმართულია ეს ჩემი ლექსიც - [„რევოლიუციონური საქართველო“].
ნება მომეცით, მოგესალმოთ ამ [ისტორიული ადგილების] ისტორიულ ადგილებზე მცხოვრებ კოლმეურნეებს, მოსწავლე ახალგაზრდობას, პედპერსონალს. ნება მომეცით, განვაცხადო, რომ მეოცე საუკუნის ჩვენს მწერლობას, განსაკუთრებით პოეზიას, უჭირავს საბჭოთა კავშირის ერთი უპირველესი ადგილთაგანი, თუ არა პირველი. ეს აღიარებულია ყველას მიერ. მიუდგომელი პირები - აღიარებენ აგრეთვე - რომ ღირსება ჩვენი მე-XX - საუკუნის პოეზიის, - არაფრით არ ჩამოუვარდება, თუ არ გაუსწრებს - წინა საუკუნეების სახელოვან პოეზიას. მალე შესრულდება ოცი წელი, სამაგალითო წლები.
რითი იქნა მიღწეული, ეს სამაგალითო გამარჯვება?
არ შეიძლება ითქვას, რომ ჩვენს მწერლობას ყოველთვის [იყო და არის] ჰქონდა და აქვს ესეთი პირობები.
პარტიისა და მთავრობის - [პირადათ ამ.] სტალინის ეპოქა.
გალაკტიონ ტაბიძე
1940 წ., 12 სექტემბერი, საგურამო