[ძაუგიდან ბერლინამდე]
ვერდენი დაეცა ყველა მისი სიმაგრეებით.
მაჟინოს ხაზი გარღვეულია.
ლონდონში სწერენ: ნორმანდიაში და სამხრეთით მდგომარეობა უცვლელია.
მოწინააღმდეგემ შესძლო გადაელახა რეინი, და ვერ მოახერხა ხელი შეეხო ჩვენი თავდაცვითი პოზიციებისათვის.
ჩვენი გამანადგურებელი ავიაცია ფანტავდა მტრის ყუმბარათამტყორცნელთა შენაერთებს.
საჰაერო ბრძოლის დროს ჩამოგდებულია [მტრის] გერმანიის რამდენიმე თვითმფრინავი.
არმია - არ ნებდება.
ჩერჩილი ამბობს იმ კოლოსალურ სამხედრო კატასტროფაზე - სედანთან და მდინარე მაასთან, რომელიც დაუშვა გენერალმა ვეიგანმა.
ვეიგანმა ვერ შესძლო გაეყვანა ჩრდილოეთის არმიები ბელგიიდან - იმ დროს, როდესაც საფრანგეთის ფრონტი გარღვეული იყო.
სამხედრო ექსპერტები ურჩევენ ინგლისს ომის განგრძობას.
ინგლისი იმედებს ამყარებს ზღვაზე და თავის ფლოტზე.
ნიუ-იორკ-გერალდ-ტრიბუნი სწერს: საფრანგეთის წინააღმდეგობის გაწევა დასასრულს უახლოვდება.
თუ იგი არ მიიღებს საგრძნობ დახმარებას - მისი მდგომარეობა უიმედოა.
გერმანელებმა აიღეს შერბურგი.
ფორსირებულია ლუარი.
მიიწევენ ლიონისაკენ.
აღებულია ნანსი.
დაეცა ბრესტი.
ეპინალი, ტული და ლიუნეზილი გერმანელების ხელშია.
მიდის ომი მაჟინოს ხაზისათვის.
შევიდნენ სტრასბურგში.
ინგლისში უარყოფენ ხმებს, თითქო საფრანგეთი ითხოვს სეპარატიულ ზავს.
ამერიკაში სწერენ: ინგლისმა წააგო ომი საფრანგეთში.
შეერთებულ შტატებში ღელავენ ევროპის სახელმწიფოთა მემკვიდრეობისათვის.
რუზველტი აგზავნის შესაფერის ნოტას ევროპაში, რომ:
ამერიკა წინააღმდეგობას გაუწევს დასავლეთის ნახევარსფეროს მეომარ ქვეყნების სამფლობელოთა გადასვლას ერთი არაამერიკანული ქვეყნიდან მეორეში.
ჰიტლერი ურჩევს ამერიკელებს მიჰყვენ მონროეს დოქტრინას: ამერიკა ამერიკელებისათვის, ევროპა ევროპიელებისათვის.
ეს იქნებოდა იდეალური მშვიდობიანობისა და ზავის საფუძველი მთელი ქვეყნისათვის.
ჰიტლერი ამბობს, რომ მას არავითარი საქმე არა აქვს ამერიკასთან.
აი, ინგლისი - კი! დაინტერესებულია მითი ტერიტორიალურად და პოლიტიკურად.
თვით ის კი ომობს ინგლისის იმპერიალიზმის წინააღმდეგ.
იგი გაანადგურებს მის მსოფლიო ბატონობას და კონტროლს ზღვებზე.
და ეს იქნება სიკეთე მთელი ქვეყნისათვის.
ვერ აწყობს მონროეს დოქტრინა ამერიკელებს.
ვერ ერწმუნება ამერიკის იმპერიალიზმი გერმანიის იმპერიალიზმს.
თუ გაიმარჯვებენ გერმანელნი, ჩვენ კარგად ვიცით მათი განუსაზღვრელი მისწრაფებანი სამხრეთ ამერიკაში - სწერს ელმერ დევისი.
გერმანიის ტეხნიკა და საწარმოო აპარატი აშინებს ამერიკის მოსაქმეებს.
ჟურნალი „ბიზნეს უიკ“-ი გაფრთხილებას იძლევა:
თუ გერმანიამ გაიმარჯვა - ის იქნება მფლობელი იმდენივე [საწარმოო] ნედლეულის რესსურსების, რამდენიც [ამერიკას] შეერთებულ შტატებს.
გერმანიის წარმოება, ხელახლა გამიზნულია ავტომობილების, მანქანების, და სასოფლო-სამეურნეო ინვენტარისათვის.
და დაემუქრება შეერთებული შტატების მსოფლიო მონოპოლიზმს და მის ბაზრებს ქვეყნის შიგნით.
და ასე, ამერიკამ უნდა შეათანხმოს (შეუთანხმოს) თავისი ინტერესები.
მან უნდა დაიცვას ინგლისი გერმანელების დარბევისაგან.
ამერიკა თვითონ უნდა შეიარაღდეს, რომ მზად იყოს, როცა დადგება დრო [ახალი გადაკეთების] ბაზრების, კოლონიების, მანდატების და გავლენათა სფეროების ხელახალი გადაკეთების.
ამერიკა ემზადება თავდაცვისათვის.
ამერიკა დაიცავს დემოკრატიას.
ჰიტლერი მოითხოვს უფლებათა თანასწორობას, ჰიტლერს სურს მიიღოს თავისი კოლონიები.
გაუწოდე ეშმაკს ერთი თითი, იგი მთელ [მარჯვენა] ხელს წაიღებს.
კარგად იცის ინგლისმა, რას ნიშნავს გერმანიისათვის მისი კოლონიების დაბრუნება.
მიეცი მას მხოლოდ ნება გაიდგას იქ ფესვები.
და იქ [გაიზრდება] აღმოცენდება რაღაცა ისეთი, რამაც შეიძლება ააფეთქოს ბრიტანეთის იმპერია.
ეს იქნებოდა თავისთავისთვის საფლავის გათხრა.
ძირშივე, ძირფესვიანად უნდა განადგურდეს [მომუქრებული] თანდათან მოზარდი ბოროტება.
თვითონვე ხომ არ უნდა შეუწყოს ხელი თავის მოქიშპეს.
ზღვათა მეუფემ, მან მოიპოვა თავისთვის უფლება - დაეუფლოს დედამიწის საგანძურებს.
თავის ბრძანებებს დაუმორჩილოს ერები და ხალხები.
იგი პირველი საზღვაო და ვაჭრობის სახელმწიფოა.
დადგა დრო, როდესაც მან უნდა დაიცვას ეს დიდი და ხელსაყრელი (გამოსადეგი) მდგომარეობა.
იგი გამოაჩენს (უჩვენებს ყველას) ერის ღირსებებსა და თავმოყვარეობას.
თავისი სარგებლობის მარად სადარაჯოზე მდგომი, იგი მოხერხებულად ამყარებდა წონასწორობას ევროპისას.
არ [აძლევდა] უშვებდა ერთ რომელიმე სახელმწიფოს გაძლიერებას.
თავის დროზე ჩარევდა მას ომში სხვებთან.
ამასში იყო მისი უმაღლესი სიბრძნე და გონიერება.
როდესაც მან დაინახა საფრანგეთის ბურჟუაზიის აღმავლობა,
მან აღძრა მთელი ევროპა ნაპოლეონის წინააღმდეგ და როდესაც გაიმარჯვა, არავის არ დაუთმო თავისი უფლებები [დედამიწის] მსოფლიო ზღვებზე.
ამაში იყო მისი დიდება და ღირსება.
სხვა ქვეყნები გამოცხადებულნი იყვენ ბოროტებად, ავაზაკებად.
იგი იპყრობდა ან ატყვევებდა არა მარტო მტრის, არამედ ნეიტრალურ სავაჭრო გემების ფლოტებს და როდესაც შესაძლებელი იყო ანადგურებდა მათ.
და როდესაც საჭიროდ დაინახავდა, ანგრევდა და ანადგურებდა სხვის ნავთსადგურებს და ვერფებს - ამაში იყო მისი ძალა.
ზღვათა მეუფე შესძლებს დაიცვას თავისი დემოკრატია.
გერმანია განადგურებული იქნება!
პარიზის დაცემიდან შვიდი დღის შემდეგ, საფრანგეთმა კაპიტულიაცია მიიღო.
კომპიენის ტყეში, იმავე სალონ-ვაგონში,
სადაც ოცდახუთი წლის წინად გამარჯვებით გულდიდმა მარშალმა ფოშმა,
გამოიტანა თავისი განაჩენი დამარცხებულ გერმანელებზე.
ეხლა თავისი რიგით ფრანგები ისმენენ ჰიტლერის მოთხოვნებს.
დროებითი ზავის პირობების შესავალში ნათქვამი იყო,
რომ სწორედ ამ სალონ-ვაგონში დაიწყო წამება გერმანელი ხალხის.
ყველა ტანჯვები, რომელიც კი შეიძლება მიაყენო ხალხს,
ყოველი შეურაცხყოფა და დამცირება - დაიწყო ამ ადგილიდან!
დროებითი ზავის პირობათა ჩასაბარებლად არჩეულ იქნა ისტორიული კომპიენის ტყე.
ეს - იმის გამო, რომ სამართლიანობის აღდგენის აკტით [გა]წაშალოს მოგონებანი, რომელნიც სრულებით არ გვევლინება საფრანგეთის ისტორიის სასახელო გვერდათ.
ფრანგებმა მიიღეს გერმანელების პირობები.
მათ სთქვეს, რომ ეს პირობები მძიმეა, მაგრამ საპატიო.
რევანშის იდეა დაკმაყოფილებულია.
ჰიტლერის ბრძანებით სალონ-ვაგონი გადატანილია ბერლინში.
მემორიალური დაფა - მოსპობილია.
ფოშის ძეგლი კი დასტოვეს თავის ადგილზე.
გერმანია მომავალში შეეცდება, უზრუნველყოს ბრძოლის განახლების შესაძლებლობა.
ამასვე მეცადინეობდა წარსულში საფრანგეთი.
როდესაც ფერდინანდ ფოშმა დაამტკიცა დაცემა და შერცხვენა გერმანიის, კლემანსომ, ძველმა შოვინისტმა და ყოველგვარ თავისუფლებათა სულთამხუთავმა აღტაცებით წამოიძახა:
„მე მოველოდი ამ წამს ორმოცდა შვიდი წელის განმავლობაშიო“.
მის მიერ შემუშავებული ვერსალის საზავო ხელშეკრულებას უნდა მთლად გაეჩეჩქვა თავი დარბეულ გერმანიისათვის,
გადაეტეხა მისი ზურგის ხერხემალი, რომ იმიერიდან ვეღარ შესძლებოდა [წამოდგომა] კვლავ ფეხზე წამოდგომა, რომ დამუქრებოდა საფრანგეთის არსებობისადმი.
კლემანსოს ახსოვდა სედანი, სადაც ფრანგებმა დამარცხება განიცადეს.
ახსოვდა, როგორ დაეცა იმპერია.
როგორ იქნა წაყვანილი ტყვედ მთელი მისი არმია, მისი ავანტიურისტი იმპერატორით ( ნაპოლეონ მესამეთი).
მას ახსოვდა პარიზის გარემოცვა,
დაკარგვა ელზას-ლოტარინგიის, -
და სამარცხვინო დღეების დასაგვირგვინებლად -
გერმანიის იმპერატორის დაგვირგვინება ვერსალის სასახლის ბროლის დარბაზში, სადაც ოდესმე გვირგვინდებოდენ საფრანგეთის მეფეები.
ვერსალის საზავო ხელშეკრულებას უნდა ჩაეჭედა გერმანია კოლონიად, [რომლის მართვას] რომელსაც მართავდა ანტანტის იმპერიალიზმი.
ამაში იყო პოლიტიკური სიბრძნე კლემანსოსი.
ბურჟუაზიულ ურთიერთობათა ტრაგიკომედია მეორდება.
მსოფლიო ომი არ თავდება. იგი მიმდინარეობს ათასი წლის მანძილზე.
ნილოსის, ტიგრის და ევფრატის [ნაპირებზე],
ხმელთაშუა და შავი ზღვის ნაპირებზე,
აზიაში და ევროპაში -
ამაღლდებოდენ და ეცემოდენ ყოვლისშემძლე სახელმწიფოები.
სად, სად არიან დიდებული ქალაქები, რომლებიც იდგენ კაცობრიობის წარმოშობის სისხლიან გზაზე აღშენებულნი მონური შრომით,
გაზრდილნი დატაცებული საგანძურებით, სამხედრო ნადავლით, და კონტრიბუციებით.
რა დარჩა ფარაონებისა და მოგვების სატახტო ქალაქისაგან, მემფისისაგან.
სადაა მისი აუწერელი დიდება?
ნუ დაეძებთ მის უმშვენიერეს ნანგრევებს. აქ მხოლოდ ნაგვის კორდებია, რომელზედაც იზრდებიან ცალკეული (ერთეული) პალმები.
რა დარჩა უდიდებულესი ტაძრებისა და სასახლეებისაგან,
ბაბილონის მიუდგომელი კედლებისაგან?
რა დარჩა ამ დიდი შემაცდენელის უანგარიშო, ულევი სიმდიდრეებისაგან?
- არაბული ზღაპრები!
იქ, სადაც ოდესმე ჰყვავოდა უკვდავი სიბრძნე,
სადაც დუღდა სიცოცხლე მთელი ქვეყნის,
მისი ვნებებითა და მისწრაფებებით,
და სადაც სიბრმავემ ხალხებისამ ზეაიყვანა სისასტიკე, დამონავება, დაჩაგვრა,
სიხარბე და გაუგონრობა მეფეების, -
იქ ეხლა ქოხმახები და ნანგრევებია.
რა დაემართათ, რა მოუვიდათ უძლიერეს გამარჯვებულებს, მსოფლიო მეუფეთ?
ვისი ვასალები არიან ეხლა ისინი?
სადაა ლეგენდარული ტროადა, რომელმაც თავის შემდეგ დასტოვა დიდი მოგონება-ხსოვნა?
რა მოუვიდა რომის ამაყსა და მოუსვენარ მოქიშპეს - კართაგენს?
სადაა ათინა, სადაც ოდესმე [მეუფობდა] ჰგიებდა სიბრძნე, მეუფებდა სილამაზე, აბრმავებდა სიმდიდრე?
იერუსალიმი, რომი, ბიზანტია?
რამდენი მოგონებებია!
ტრაგედია უახლოვდება დასასრულს.
მსოფლიო, აგებული ღარიბ-ღატაკთა შრომით, და მდიდართა შეჯახებით, ისევ ინგრევა საშინელი აფეთქებებით - მსოფლიო იმპერიალისტების შეჯახების დროს.
შეურიგებელი მტრებია ერთმანეთის: ბერლინი და ლონდონი.
ბურჟუაზიული ცივილიზაციის სახელით ერთი მათგანი ნანგრევებად [იქცევა] დაეცემა საკუთრების მსვლელობის გზაზე.
ჩერჩილი ამბობს, რომ განადგურებული იქნება გერმანია.
ჰიტლერი აცხადებს, რომ - მსოფლიო იმპერია დიდი ბრიტანეთი [უნდა] განადგურდება.
ორი მესამედი საფრანგეთის ოკუპირებულია, ინგლისთან ბრძოლისათვის.
ნორდკაპპიდან ესპანეთის საზღვრამდე - ნაპირი ევროპისა - გერმანელების ხელშია.
მაგრამ ინგლისი სულით არ ეცემა.
ძველ პირატს არ ეშინია საშიშროების.
"ჩვენ არასდროს არ დავნებდებით, - გაიძახის ჩერჩილი, ([მოუწოდებს] აღვივებს რა სიცოცხლეს და მოუწოდებს სიკვდილს), - ჩვენ ვიბრძოლებთ ბოლომდის.
ჩვენ ვიბრძოლებთ ზღვებზე და ოკეანეებზე.
ჩვენ ვიბრძოლებთ ზღვის ნაპირებზე, აეროდრომებზე, მინდვრებზე, ქუჩებზე. ჩვენ არასოდეს [იარაღს არ დავყრით] არ დავნებდებით.
და თუნდაც რომ (რასაც მე ერთი წამითაც არ ვფიქრობ), ეს კუნძული იქნას დაპყრობილი, მაშინაც ჩვენი შეიარაღებული იმპერია, დაცული ინგლისის ფლოტით განაგრძობს ბრძოლას იმ ხანამდე,
სანამ არ დადგება დრო, როდესაც ახალი ქვეყანა (იგ. შ. შ.) მთელი თავისი ძალითა და ძლიერებით არ გამოვა.
ძველი ქვეყნის განსათავისუფლებლად და დასახსნელად.
როდის [გაიმარჯვ.] იდღესასწაულებს გამარჯვებას სამართლიანობა და გონიერება.
ფილოსოფოსები დღემდე უხსნიდენ ქვეყანას, რომ დროა იგი შეიცვალოს.
სამართლიანობა, გონება მაშინ გაიმარჯვებს, როდესაც მსოფლიო იმპერიალიზმი, თავისი თანამგზავრებით, დაუსრულებელი ომებით, შიმშილითა და დაჩაგვრით, ეროვნებათა მტრობით
არ აფეთქდება სოციალისტური რევოლიუციის ძალებით;
ხალხთა მეგობრობის, მშვიდობიანი შრომის სახელით - ყველაფრით, რასაც შეიცავს სტალინური კონსტიტუცია
- იგი აფეთქებული იქნება.
ჩვენ ვდგევართ დროთა უდიდეს გზაჯვარედინზე.
და იმედით შევცქერით თვალებში
მშვენიერ მომავალს!
[Вступление есть]. 1. N შესავალი არის. 2. 7 ახალი თავი.
[1941-1945 წლები]