* * * ჩვენი ხომალდი...
ჩვენი ხომალდი ეხლა აღარ დგას,
ზენა ქარია.
ჩვენ ცოტანი ვართ, მიცემული ზღვას,
ზღვა მღელვარეა.
უცებ მტრის ხომალდს მოვკარით თვალი,
შევსძახეთ: ყველა!
იალქანები მაღლა აუშვით,
იჩქარეთ... ბნელა...
და დავედევნეთ: მივუახლოვდით -
შენი მტერია!
მეტია რიცხვით, მეტია ოვდით
არტილერია;
ჩვენ კი... ჩვენ რა ვართ? წინა ბრძოლებით
რაღაც ასამდე...
პორტარტურიდან გამოყოლებით
ამ შუა ზღვამდე.