ფოსტალიონის სიმღერა
მე ვარ ფოსტალიონი,
როგორც კი ალიონი
მაღლით გადმოანათებს,
ვზიდავ მე ამანათებს!
დავატარებ წერილებს,
ვმღერი დედის მერილეს,
დავატარებ გაზეთებს,
დავატარებ ჟურნალებს.
წყურვილს კულტურისასა
ჩემებრ ვინ უმკურნალებს.
ზურგზე გუდა წიგნების -
პირში კი ყალიონი.
ყველგან მიმიხარია,
მე ვარ ფოსტალიონი.
მოხუცსა თუ ყმაწვილსა
ჩემი მისვლა ახარებს -
მოხუცი ჩაფიქრდება
და ყრმა გადიხარხარებს.