* * * ო, ჩემო ლექსო!..
ო, ჩემო ლექსო! როს წვეულება
დაგიწყებს კითხვას,
ერთი ძვირფასი გაქვს ჩვეულება:
აღელვებ დიდხანს.
შენში ხან მქუხი და ხანაც მშვიდი,
ფეთქს გრძნეულება...
ასეთი კარგი, ასეთი დიდი
გაქვს ჩვეულება!
არის ოჯახი, სადაც ჯერ კიდევ
არ არის ომი,
მაშინ ვიგრძენი შენი სიწმინდე -
როგორც ფანტომი.
გადმოკრიალდა ანკარა სარკე
ლაჟვარდ წყაროთა -
მთელი ცხოვრების ვგრძენ სიავკარგე
და მიხაროდა.