დღიური-651-23 - უთარიღო
ეს იყო პატარ-პატარა იისფერი ფურცლები. მათ ნახულობდენ ყოველგან ფაბრიკაში აქა-იქ მიმობნეულთ. ათასი ხელი წვდებოდა მათ (მიიმართებოდა მათკენ), დახარბებით კითხულობდენ, გადასცემდენ ერთიმეორეს და სასოებით ინახავდენ (კრძალვით ინახავდენ).
უზარმაზარ შენობაში იდგა ჩვეულებრივი ხმაურობა, შრომა დუღდა და გადმოდიოდა.
როგორც ყოველთვის თვითეული მუშა აკეთებდა თავის ჩვეულებრივ საქმეს - წელებზე ფეხს იდგამდა, [15 საათის განმავლობაში] თავს [ადგა] აკლავდა დაზგას. დღე-ღამეში 15 საათის განმავლობაში, [ქარხნის პატ.] მექარხნის (მეფაბრიკის) საკეთილდღეოთ.
ჩვეულებრივად [მრისხანეთ] მკაცრ და ღრმა გულისყურით სავსეს ღონემიხდილ, მოქანცულ, გასავათებულ სახეზე არავითარი ცვლილება არა სჩანდა.. იყო დრო შავბნელი. განუჭვრეტელ წყვდიადში გაჭირვებით და ხელმოკლეობით მიჩვეულნი დამორჩილებას, მათ მიჰქონდათ წყევლა შრომისა - ერთი დღის სიცოცხლის გამო.
რა მიუტანა მათ ისეთი ამ იისფერმა, პატარა ფურცლებმა, რომ მათ სახეზე დღეს [გულის] გრძნობის ცეცხლი აგიზგიზებულა?
დამცირებულნი სიღატაკით (სიღარიბით), დამუნჯებულნი (პირში ბურთ ჩაჩრილნი) მონები დღეს პირველად განიმსჭვალნენ სიამაყისა და ადამიანური ღირსების გრძნობით.
თვითეული სტრიქონი ამ მოსაუბრისა, პატარა ფურცლისა, სუნთქავს მათი ყოფაცხოვრების დიდისა და უკვდავი სიმართლით, აერთიანებს მათ გულებს [აღშფოთებაში] <...> და აღვიძებს მათში სულს [აჯანყებისას] აღშფოთებისას.
სულგანაბულნი, მდუმარენი, შინაგანი კმაყოფილების სამართლიანი გრძნობით უგდებენ ყურს; მათ ესმისთ: „ჩვენ შევქმენით ულევი, უანგარიშო სიმდიდრეები, ოქრო და ქსოვილი, ფარჩა და ხავერდი, ამოგვაქვს მიწის გულიდან რკინა და ქვანახშირი, [ვაშენებთ] ვაწყობთ მანქანებს, ვაშენებთ ხომალდებს, გემებსა და სასახლეებს, გაგვყავს რკინისგზები. მთელი სიმდიდრე ქვეყნისა შექმნილია ჩვენის ხელებით. მოწეულია ჩვენის ოფლითა და სისხლით. გასამჯელოს სამაგიეროს რას ვიღებთ ჩვენ ჩვენი კატორღული შრომისათვის?
მრისხანებით ადუღდება სისხლი!
„ცარიელი (ხმელა) პური ჩვენ, რათა მდიდრებმა მილიონობით იგონ (აწყონ) მილიონები“.
ისინი კითხულობენ: უბრალო და მართალი სიტყვები ცხადყოფენ, ამხელენ მატყუარობას და მელაძუობას (ეშმაკობას) მეპატრონეებისას.
„რაც უფრო ცუდად იქნება ჩვენი საქმე, მით უფრო უკეთესია მათთვის!“
ბნელით მოსილი გონება ენთება ერთი[ანი] ჭეშმარიტების ნათელით: „ჩვენ არავისაგან არ ველით [შვებას], ჩვენ შეგვიძლია მხოლოდ თავის-თავს დავეყრდნოთ“ (თავისი თავის იმედი ვიქონიოთ). მორჩილება მონათა იცვლება შემვიწროებელთადმი ზიზღით“. ერთი საერთო მისწრაფებით არიან ისინი შეპყრობილნი: ერთმანეთის მჭიდროთ მხარის დაჭერით აღსდგნენ თავიანთ სასიცოცხლო უფლებათა დასაცავად.
გაღვიძებული სული, მოწყურებულია ბრძოლას, მოწყურებულია სიმართლეს, მოწყურებულია შურისძიებას.
ეს იყო პატარა იისფერი ფურცლები. ისინი აშინებდენ ძალაუფლების მქონეთა და მეპატრონეებს (хозяев), ვინაიდან მოუწოდებდნენ მონებს ბრძოლისა და მუშათა კლასის განთავისუფლებისკენ!
პატარა, უბრალო ფურცელი - ნათელი და მრისხანე მაუწყებელი თავისუფლებისა, გამოვიდა ციხიდან, სადაც მას სწერდა ტყვე-პატიმარი ვლადიმერ ილიას ძე ლენინი, რომელმაც შესწირა მთელი თავისი ცხოვრება და ჭკუა-გონება და ენერგია ხალხთა განთავისუფლების საქმეს. მეფის მთავრობას [უბრალოდ] ამაოდ კი არ ეშინოდა მისი!!!