ტყეშელაშვილი ნინო - გალაკტიონს
ბატონოგალაქტიონ! მე გუშინ გახლდით რედ. „კომუნისტში“. სამწუხაროდ, ვერ გნახეთ – სიარული მიჭირს, რეტი მესხმის – ამ დრომ ჯოჯოხეთურმა სულ ძალა გამომილია. მე გიტოვებთ ჩემ ამ დროის შესაფერ თემაზე დაწერილს „ქართველი ქალი მეომარი“. ისტორიკოსებმა და ლიტერატორებმა მოიწონეს. მე დარწმუნებული ვარ, როგორც ქართველ პატრიოტს, თქვენც მოგეწონებათ. თქვენ შეფასებას კომუნისტის რედაქტორი დააფასებს და დაბეჭდავს ამას. გეხვეწებით ამას. მითხრეს ეს სააგიტაციოაო და რაც მალე დაიბეჭდება, უფრო კარგიაო. მაგაზე დიდი ძალი, ღონე და დრო მოვანდომე. თქვენ, როგორც გრძნობიერი და კეთილი, ამას მიაქცევთ ყურადღებას და მიქთ დიდ სიკეთეს, რაც მორალურათ, თან ნივთიერად ხელს შემიწყობს ამ შიმშილის დროს და მეც ვეცდები, სამაგიერო გასიამოვნოთ, რითაც შევძლებ, უთუოდ. მანდ მსახურობს „გლავლიტში“ ეკა მღებრიშვილი – ბოლშევიკი აგიტატორია – მას რომ მოელაპარაკოთ, თუ შესწორება ან რამეს შეცვლა ჭირდება, ის მეტყვის და მეც გავაკეთებ.
თქვენი მარად თაყვანის მცემელი ნინო ტყეშელაშვილი
1944 წ., 26 იანვარი