ახვლედიანი დარია - გალაკტიონს - 2
ძვირფასოძმაოდამეგობაროგალაქტიონ!
მე კი მეგონა, ერთხელ მაინც მნახავდი, მაგრამ არ ვიცი, რა მოსაზრებით არ მნახე. ამაზე შემდეგ. გალაქტიონ ჩემო, აი, რასა გთხოვ და მომისმინე. მე განვიცდი ნივთიერ უკიდურესობას. ასე რომ, პურის ფულიც არა მაქვს. მე ორშაბათს გამოვდივარ საავადმყოფოდან. ჩემი სახლში მოსვლა და ისევ ავად გახთომა ერთი იქნება. შემომესევა წვრილი მევალეები და სულს ამომახვდენენ მე ავადმყოფს. წამალი, ჭამა და რა ვიცი, რამდენი რა მინდა, მე კი შაურის პატრონი არა ვარ. ამიტომ გთხოვ, იქონიო იმდენი კაცთმოყვარეობა ან სიბრალული მაინც, თუ პატივის ცემა არა და დამეხმარე, დიდ პოეტურად მასესხე ფული ხუთასი მანეთის რაოდენობით, იმ პირობით, რომ ყოველ თვეში ჩემი პენსიიდან ხუთი თუმანი მოგართვა და ასე შეღავათიანად გაგისტუმრო. ჩემო გალაქტიონ, შენ გენაცვალე, ამით მე დამიხსნი დიდი უბედურებისაგან და შენ კი არაფერი არ დაგაკლდება, არც დაგეკარგება და დარწმუნებული და იმედით აღჭურვილი გელოდები ჩემად მხსნელად, ჩემო ყოველთვის საქებო, სადიდებელო და საიმედო ძმაო და მეგობარო გალაქტიონ!
მუდამშენიერთგულიდარიაახვლედია
ნისაავადმყოფოდან სახლში რითი წავიდე, არ ვიცი. ეტლის ფული სადა მაქ. ასეა ჩემი საქმე.