შუალედი - დან - მდე
 
 


ელეგია დღევანდელი


შენს მთაწმინდაზე მდგარი,
მამადავითის მართლის -
ზე-აღმართულა ჯვარი,
დედაქალაქო ქართლის!

მაინც რა არის ნეტავ,
მისი გენიის დება?
მე მას ყოველდღე ვხედავ,
მე ის ყოველგან მხვდება.

მისდევს ღალატთა წყება
ბილიკს იმ ვიწრო ქოშის -
და ქარში მიაქვს ვნება,
როგორც ნაფლეთი დროშის!

დილით კი ჰქრება კვარი
მეხრის, მგოსნის და სარდლის;
ზე აღმართულა ჯვარი,
დედაქალაქო ქართლის!

[1950-იანი წლები]