შუალედი - დან - მდე
 
 


მილიონებში ხელისმრეველი


ოცნების მდიდარ ბაღში შეველი,
ვარდები დამხვდა დაულეველი.
ვიყავ ამაყი და უძლეველი -
მილიონებში ხელისმრეველი.

გადანგრეული მახსოვს სასახლე,
არის ჩემს გულში ერთი სიახლე:
ამჟამად მხოლოდ ზღვას ვასახელებ -
მილიონებში ხელისმრეველი.

აი, სიალეც იშლება დილის,
ოქრო ლიმონის, ქლიავი ლილის,
დაფნის, ფორთოხლის და ზეთისხილის
მილიონებში ხელისმრეველი.

[1946]