ძრწის მომხდური
ძრწის მომხდური - ძველისძველი
აღადგინოს დიდება:
იყო ომი წინანდელი,
სწამდათ არმორიდება.
კარგა სცემეს, დაანარცხეს,
ვაჰ, დროვ, სასოწარკვეთის!
ის იგონებს ეხლა მარცხის
კოლოსალურ გაკვეთილს.
დღეს სწყურია ბევრ რამესთან
დინამიტის ჩაწყობა:
მაგრამ ძალა იგრძნობს მტერთა
რაა შეურაცხყოფა.
მეომარო! ხმა ხმას მისწვდა -
წინ, მომხდურთა მხვეტავად,
ჭრილობების, სიმძიმის და
ტკივილთ მიუხედავად!
[1943]