სტანსები
აქ დაიდგმება პოეტის ძეგლი,
ბავშვები მოვლენ შენი წიგნებით,
იქნება, ბევრი რამე იქნება -
მხოლოდ ამ ქვეყნად ჩვენ არ ვიქნებით.
ცხოვრებისაგან დაჭრილი ლომი,
ეხლა რომ ოხვრით შამბში ვარდება,
სხვა ისტორიის წინაშე მდგომი
აქ სხვანაირად აღიმართება.
ეხლა კი ხელი მივცეთ ერთმანეთს,
ხომ მოგვივლია ხმელეთი, ზღვები...
ოჰ, მომავალო, შენ ერთი მაინც
არ იტყვი, როგორც იტყვიან სხვები!
1943 წლის 26 ივნისი
აკაკი წერეთლის ბაღი