მთელი ჩვენი ახალი საუკუნის ძველი სიახლით რომ ვილაპარაკოთ, გამოვა სულ სხვა, სულ სხვა - სხვანაირი.

მრწამს - მისი სიბრძნის ყოვლის შემძლებელის.
მრწამს - მისი ღვთაებრივი სიყვარული.
მრწამს - მისი ნათქვამი „ღვთის წყალობა“.
მრწამს - მისი სწორი სამართალი.
მრწამს - მისი მოწყალება.
მრწამს - [მისი] სული მის კრეისერების.
მრწამს - მისი თვითგანგება.
მრწამს - მისი უძლევი სიამაყე.
მრწამს - მისი დამნაცრებელი შური.
მრწამს - მისი ფუქსავატობაც კი.
მრწამს - მისი დიდი აზროვნება.
მრწამს - მისი დიადი რწმენა.
მრწამს - მისი დაეჭვებაც.
მრწამს - მისი სისულელეც.
მრწამს - იმისი ნუგეში.
მრწამს - იმისი იმედი.
მრწამს - მისი ეკლესია.
მრწამს - მისი ცოდვა.
მრწამს - მისი კანონი.
მრწამს - იმისი ქრისტე.
მრწამს - მეტამორფოზები.
მრწამს - მისი მადონნა.
მრწამს - მისი ალქაჯი.
მრწამს - მისი წყვდიადი.
მრწამს - მისი სინათლე.
მრწამს - მისი სიზმარი.
მრწამს - მისი ოცნება.
მრწამს - მისი წლის ოთხი დრო.
მრწამს - მისი სტიქია.
მრწამს - მისი ხუთი გრძნობა.
მრწამს - მისი პატრიარქები.
მრწამს - მისი მცენარეები.
მრწამს - მისი ანგელოზები.
მრწამს - მისი წმინდანიანი.
ამინ.
ერთის სიტყვით -
გამომიგზავნე, ევროპა, ფული,
ო, მოგვაშველე, ევროპა, ფული.