დღიური-630-4 - 1922 წელი
ბარიკადი №4.
[სამწუხაროდ] თუმცა ამ ქუჩურ გაზეთს აწერია, რომ იგი ცისფერი ყანწების კვირეული (?) [„ბარიკადის“], მაგრამ იქიდან [მხოლოდ] მარტო [ტიციან] ბ-ნი ტიტე ტაბიძის [სულელური] ბრიყვი ფიზიონომია გვაბეზრებს თავს.
გაზეთს ხსნის [მეტად გამასხარავებული წერილით (ალბად, რედაკტორის). ედება რა ღობე-ყორეს პატივცემული ავტორი უთუოდ თვითონ გრძნობს წერილის უსუსურობას], რომ [ასე ათავებს ვითომდა ეხლა ასეთ სისუსტეს]. [იგი] ეს შარლატანი აყვლიპინებს თვალებს თავის გაზეთიდან [ვითომდა მეთაურიდან] რაღაცას ენადაბმით ლუღლუღებს, ვიღაცას ემუქრება, მეტად [გაგულისებულია] გულმოსულია. ნეტავი, ვინ უნდა დააშინოს?
ტიციან ტაბიძის ფიგურა საუკეთესო [ეგზემპლიარია უნიჭო] მასალაა იმის დასამტკიცებლად, თუ რანაირი შურით და ბრაზით არიან სავსენი საზოგადოდ უნიჭო და ყველაფერში დამარცხებული ადამიანები. [ამ შემთხვევაში] [ინსინუაციები] პროვოკატორმა, სპეკულიანტმა, ეს ყველაფერი მისი ხელობაა, მოინდომა პოეტად გახდომა, მაგრამ აქ მისი დემონია - გალაკტიონი [სასტიკი დემონი. დაუნდობელი დემონი].
ტიციან ტაბიძე - ვერ მოისვენებს, სანამ გალაკტიონ ტაბიძე არსებობს.
ეს წვრილი პროვოკატორი და წვრილი სპეკულჲანტი „ხმას უწვრილებს“ იქაც, სადაც გაიძვერობა და ლაქიობაა საჭირო, სწორედ ამიტომ იგი პანღურისცემით გააგდეს მწერალთა კავშირიდან; და [არც აწი დააკლებენ ხელს, დამშვიდებით იყოს] [ჩვენ ვიცით თვითონ მისი ამხანაგების აზრიც ამ სუბიექტზე, როდესაც შეიგნებენ, გაიგებენ].
ქართველმა მწერლებმა ამ ვაჟბატონზე უკვე [სთქვეს თავისი] გამოიტანეს განაჩენი: ქართველი მწერლები [იგი მადლობას უნდა ეუბნებოდეს] მართლაც დამნაშავენი [არიან, რომ ეს საეჭვო სუბიექტი] შეიცოდეს და არ გაგზავნეს...