დღიური-631-1 - უთარიღო
მთელი მოედანი გადათეთრებულია თოვლით.
ესაა მკრთალი ნათელი დილისა, ქარბუქში გახვეული დილისა.
პასსაჟირები შემოდიან გათეთრებული მხრებით. მოდის სქელი თოვლი. ფანჯრებიდან ნეგატივებივით მოსჩანს სახლები და გამვლელები.
ეს სრულიად ახალი სანახაობა აღვიძებს ჩემში მოგონებებს იმ სიხარულზე, რომელსაც განვიცდიდი ბავშობისას, ზამთრის მოახლოებით.
თეთრი წვიმა, განუწყვეტელი თეთრი წვიმა.
კაკაოს ფერი ქუდით.
მოტივი კარმენიდან. ტო-რეა-დორ.
შეგშურდება მისი ხასიათი, უბრალო აზრის გავლება კარგ საუზმეზე საკმარისია, რომ მან უბედნიერეს ადამიანად იგძნოს თავი.
მომშივდა, როგორც ალპიის მთების მონადირეს.
როგორც კი იგრძნობდა შიმშილს, იგი იწყებდა გასტრონომიულ საუბარს და უხატავდა ამხანაგებს მაცდუნებელ სურათებს.
ისინი, როგორც ადამიანები დაღუპული გემიდან, მისცურავენ ყოველი მხრივ, ებღაუჭებიან ხელში მოხვედრილ ნაფოტებს, გაუშვებენ ხელიდან ერთს, რომ ჩაუბღაუჭონ მეორეს. ხან იფარებიან წყალით, ხან ისევ ჩნდებიან და ეტანებიან ისევ იმ პირველ ფიცარს, მაგრამ მათ ხელს უშლის ათასი სხვა.