დღიური-629-29 - უთარიღო
როგორც ცნობილია, სალიტერატურო ასპარეზზე გამოსვლის დღიდან – [ჩვენმა სახელოვანმა მწერლებმა შეამჩნიეს] (1908 წლიდან) გალაკტიონ ტაბიძე სარგებლობდა ქართველი საზოგადოებრივობის განსაკუთრებული სიყვარულით. ქართველი ხალხის საუკეთესო წარმომადგენლები, მეცხრამეტე საუკუნის გამოჩენილი მწერლები მეტად სათუთად ეპყრობოდნენ მას. აკაკი წერეთელი ხედავდა მასში პოეტს, „რომელსაც ბევრი რამ ახალი მოჰქონდა“, აკადემიკოსი ნიკო მარი პეტერბურგის უნივერსიტეტში ლექციებს ჰკითხულობდა გალაკტიონ ტაბიძის შესახებ (იხ. Яфетические семинарии, т. I и т. д.). ცნობილი მწერალი დავით კლდიაშვილი უწოდებდა მას „შვენებას და სიამაყეს ქართული ლირიული პოეზიისას“ ისევე, როგორც ვასილ ბარნოვი, ვალერიან გუნია, ტრიფონ რამიშვილი, ეკატერინე გაბაშვილისა, ია ეკალაძე და სხვ. ხოლო უხუცესი მწიგნობარი ზაქარია ჭიჭინაძე მის სახელს სვამდა – შოთა რუსთაველის, გურამიშვილის, აკაკი წერეთლისა და ილია ჭავჭავაძის გვერდით. იგი სწერდა:...