დღიური-629-19 - უთარიღო
მოგონებათა საღამო
„1908 წელი ქართულ მწერლობაში“
1908 წელი ქართული სიტყვა-კაზმული მწერლობის მე-XX საუკუნის ისტორიისათვის - შესანიშნავი არის სამი დიდი ლიტერატურული მოვლენით. სახელდობრ:
1. „ქართველმა ხალხმა 7 დეკემბერს დიდის ზეიმით გადაუხადა აკაკი წერეთელს მისი საზოგადოებრივი-ლიტერატურული მოღვაწეობის 50 წლის იუბილე“.
2. იყო დიდი დისკუსია „ჩვენს კვალსა“ და „ამირანში“ ქართული სიტყვა-კაზმული მწერლობის დაცემის შესახებ. ეს იყო „პირველი დისკუსია, რომელიც მიზნად ისახავდა სხვადასხვა ღონისძიებათა მიღებას“ (ილია ჭავჭავაძე მოკლულ იქნა 1907 წ. და ამ აკტმა უზარმაზარი გავლენა იქონია ქართული საზოგადოებრიობის გამოფხიზლების გზაზე შედგომისათვის. დისკუსია უსათუოდ გამოძახილი იყო ამ ორი დიდი ფაკტის: აკაკის იუბილეისა და ილიას მკვლელობის.
3. ამ დისკუსიის შემდეგ დაიბადა აზრი „ქართულ სიტყვა-კაზმული მწერლობის“ საზოგადოების დაარსების შესახებ (ამას მოჰყვა გაზ. „მზის“ და ჟურნალ „ფასკუნჯის“ დაარსება).
1908 წლის ამ ამბების შესწავლა და შესაფერისად გაშუქება ნაწილობრივად ახსნის ჩვენი სიტყვა-კაზმული მწერლობის განვითარების ეტაპებს შემდეგი წლებისასაც.
*
„არც ერთი ხელობა ჩვენში ისე აგდებული არ არის, როგორც მწერლობა“.
აკაკი
1910, „ფასკუნჯი“, №1
„დღევანდელი ჩვენი [ქართული] მხატვრული მწერლობა მიწურულს ზამთარს მოგვაგონებს, გაზაფხულის მოახლოვებას, როცა დღე ნათელია, ქვეყანა გამთბარი, ჰგრძნობთ ჰაერში აყვავებული მდელოს ალერსს, ახალახალ გაშლილ ყვავილების პირველ მოხიბლვას; თქვენი სხეული მრთელდება და სისხლი აჩქარებით მოძრაობს გაზაფხულის მზის სხივით, შეყვარებული ხართ, თუმც ჯერ არც მდელო ამწვანებულა, არც ყვავილი გაშლილა, არც მზე განთავისუფლებულა ღრუბელთა ტყვეობისაგან, არც შეგხვედრია ჯერ საყვარელი“.
„ფასკუნჯი“, №1, 1908 წ.
*
ჟღენტი ბესარიონ, აბაშელი ს., აღლაძე ილია, გამსახურდია კ., გეგეჭკორი ლადო, გორგაძე ვ., გრიშაშვილი ი., გარიყული მარიამ, დადიანი შალვა, ერისთავი-ხოშტარია, ერთაწმინდელი სეზმან, ეული სანდრო, თავაძე სოლომონ, კასრაძე დავით, კაპანელი კ., იასამანი, ლორთქიფანიძე ნ., სახოკია თ., სიხარულიძე ილ., სულიაშვილი დ., ტაბიძე გალ., ტატიშვილი იოსებ, ქვარიანი სიმ., ქიაჩელი ლეო, ქიქოძე გერ., ქუჩიშვილი გ., შანშიაშვილი ს., ყანჩელი ალ., ჭუმბაძე არ., ხახუტაშვილი ანნა, ხოსიტაშვილი ბ., ხიდისთაველი ს., დ. ლუკაშვილი, იმედაშვილი იოსებ.
თავდაცვა. მესხის გამ.
44 + 48 + 12 + 40 + 24 = 168 + 88 + 12 = 268 + 24 + 49 + 18 + 12 = 381.