დღიური-629-1 - უთარიღო
„მუსიკალობა“
1. მუსიკალობა საზოგადოთ ენციკლოპედიების მიხედვით (ლიტ. ბროკჰ.).
2. პოეზიისა და მუსიკის სიახლოვე - ლიტერატურული ხერხების მიხედვით (I, II, III).
3. განმარტებანი ამ თეორიისა ჩემი ლექსების მიხედვით (I, II, III და სხვ.).
4. აკაკი წერეთლის აზრი ჩემი ლექსების კითხვის შესახებ - როგორც გასაღები დებულებისათვის: ქართული ენა უაღრესად მუსიკალურია! (დამუშ.).
5. ვ. ბარნოვის აზრი ქართული (გალაკტ.) სიმღერისა და ქართული პოეზიის შესახებ (გალ.).
6. თავისუფლება ლექსისა, ძალდაუტანებლობა - სიახლოვეა მუსიკასთან.
7. რითმა, როგორც მუსიკალობის ერთ-ერთი გამოხატულებათაგანი (ენციკლ.).
8. ალიტერაციები (ენციკლ.).
9. ხმათა მიბაძვა (звукоподраж. - ენციკლ.).
10. „ლურჯა ცხენები“, „საიდუმლო ალები“, „ყველას რაიმე აქვს სახსოვარი“ და სხვ. (რეფრენი).
11. რეფრენის როლი პოეზიის მუსიკალობაში.
12. მუსიკოსები, მუსიკალური ინსტრუმენტები, სიმღერები, ნახსენები ჩემს ლექსებში (III ტ. ივ. ჯავახიშვილის).
13. რას ნიშნავს სიტყვა ლირიკა? (ენციკლ.).
14. ლექსების კითხვის მანერა უძველეს დროში (დოდაშვილის თეორია). კოტე.
15. მოხსენებები ამ თემაზე - შკოლებში. ენციკლ.
16. არა უაზრობამდე მისული მუსიკალობა, არამედ გონიერი, საღი (ჟდანოვი). ახ. კომ.
17. ფორმალისტები უარყოფდენ - ლექსის მუსიკალობის მნიშვნელობას (მაგ.).
18. რა არის ლექსი, გადატანილი მუსიკაზე?
19. სევერიანინის მანერა კითხვის (ფორმ.).
20. ხმოვანების დაცვის აუცილებლობა ქართულ ლექსში („ძილი გეგონება“, „ნიკორწმინდა“, „საქართველოს მდინარეები“ და სხვ.). გაწერელია.
21. თეთრი ლექსისა და დატეხილი, უწყობო ლექსის დამარცხება (არ ვრცელდება).
22. ბალმონტი და ბრიუსოვი და სხვ. (<С...ть> ბრიუსოვმა ვერ მიაღებინა).
23. ქართული მუსიკის ბუნება და მისი გადატანა პოეზიაში (კეთილშობილება, სინდისი). ილია ჭავჭავაძე, არაყიშვილი და სხვ.
24. თვით ქართული ბუნება, მისი ხასიათი და მისი გადატანა პოეზიაში. პუშკინი.
25. ტემპერამენტის როლი მუსიკასა და პოეზიაში (ვ. გუნია).
26. გერონტი ქიქოძის წერილი.
27. რომელ მომღერლებთან შეიძლება შედარება? (ტემბრი ხმისა) უპირატესობანი.
28. რომელ პოეტებთან შეიძლება შედარება და რა უპირატესობებია?
29. ვერლენის თეორია - აბსურდია, „ნაჩრდილები“, ლიტერატურის უარყოფა (პუშკინის მსგავსად - О чем, прозаик, ты хлопочешь? და სხვ. ე. ი. „ხელოვნება ხელოვნებისათვის“, არა „მუსიკა მუსიკისათვის“, არა „პოეზია - პოეზიისათვის“).
30. არა ლექსი სიმღერისათვის, არამედ სიმღერა ლექსისთვის: აქედან ბევრი ჩემი ლექსი არ გამოდგება რომანსებად, მაგრამ მელოდია - ეფარდება და შვენის ლექსს (ნუნუს თეორია).
სხვა თემები:
1. ხალხურობის იდეა. 2. L Art poetigue. 3. აფხაზეთი. 4. აჭარა. 5. სვანები. 6. ქართული ორნამენტი. 7. ახალგაზრდობა.